ၵႂၢမ်းလၢတ်ႈ လႄႈ လၢတ်ႈၵႂၢမ်း

ၵၢၼ်ၵိၼ်ယူႇ လႄႈ ၵၢၼ်ႁဵတ်းသၢင်ႈ ဢၼ်လႆႈတိတ်းတေႃႇၵပ်းသၢၼ် ယူႇၸွမ်းၼႂ်းတူင်ႇဝူင်းၵူၼ်းၼႆႉ မၢင်ပွၵ်ႈ တေမီးလွင်ႈႁၢၼ်ႉၸ်ႂပဵင်းပေႃးၸ်ႂ ၵူၺ်းၵႃႈလၢႆလၢႆပွၵ်ႈ ဢမ်ႇႁၢၼ်ႉၸႂ် ဢမ်ႇပဵင်းပေႃးၸ်ႂ။

ပေႃးႁဝ်းမီးလွင်ႈၸိူင်ႉၼၼ်မႃးၼႆ ႁဝ်းတိုၼ်းတေမီး “ၵႂၢမ်းလၢတ်ႈ” ၼႂ်းၸ်ႂ ဢၼ်ၶႂ်ႈဢုပ်ႇၶႂ်ႈလၢတ်ႈ လႄႈ ၶႂ်ႈမွၵ်ႇၼႄ ယိူင်းဢၢၼ်း လႄႈ လွင်ႈတၢင်း။

လုၵ်ႉတီႈၵႂၢမ်းလၢတ်ႈၼၼ်ႉသေ ပဵၼ်မႃး “လၢတ်ႈၵႂၢမ်း”
ႁဝ်းထူၵ်းဢွၵ်ႇမွၵ်ႇလၢတ်ႈမၼ်းဢွၵ်ႇမႃးယဝ်ႉ။
မိူၼ်ၼင်ႇဝႃႈၼၼ်ႉယဝ်ႉၼေႃႈ မိူဝ်ႈမၼ်းတိုၵ်ႉပဵၼ် “ၵႂၢမ်းလၢတ်ႈ” ယူႇၼၼ်ႉတႄႉ ႁဝ်းပဵၼ်ၸဝ်ႈၶွင်မၼ်း ၵူၺ်းၵႃႈ ပေႃးႁဝ်းလၢတ်ႈဢွၵ်ႇပူၼ်ႉသူပ်းမႃးယဝ်ႉ “လၢတ်ႈၵႂၢမ်း” ၵႂၢမ်းယဝ်ႉတႄႉ မၼ်းပဵၼ်ၸဝ်ႈၶွင်ႁဝ်းၵႂႃႇယဝ်ႉ။
မၼ်းတေလီ တေႁၢႆႉၼင်ႇႁိုဝ်ၵေႃႈ မၼ်းႁဵတ်းလႆႈ ပဵၼ်လႆႈၵူႈမဵဝ်းၵူႈၸိူဝ်းယဝ်ႉ။