ပၢင်ၵိၼ်ၶဝ်ႈ

မိူဝ်ႈၼႆႉ (23/ 08/ 2011 လႆႈမီးတိုဝ်ႉတၢင်းၵိၼ်ၶဝ်ႈႁူမ်ႈမူႇၵၼ်တၢင်းပီႈၼွင်ႉဢၼ်ၸိူဝ်းမႃးၶဝ်ႈႁူမ်ႈပၢင်သွၼ်လွင်ႈမၢႆမီႈ လႄႈ လႆႈမီးတိုဝ်းတၢင်းလႆႈဢုပ်ႇဢူဝ်းလႅၵ်ႈလၢႆႈတၢင်းႁၼ်ထိုင် ၵဵဝ်ႇလူၺ်ႈၵၢၼ် "မွၵ်ႇၶႆႈဢုပ်ႇဢူဝ်းလၢတ်ႈ​ၼႄ ၼႂ်းဢွမ်လူမ်း" ။ မိူဝ်ႈမီးတိုဝ်ႉတၢင်းၼႆသေ လႆႈဢုပ်ႇၶႆႈလၢတ်ႈၼေ ပိုၼ်းပဵၼ်မႃး တင်ႈတႄႇပီ 1996 လွင်ႈဝႃႈတႄႇမႃးၸိူင်ႉႁိုဝ် လႄႈ မီးၽႂ်ၽွင်ႈ ဢၼ်ၵဵဝ်ႇၶွင်ႈ။ လၢႆလၢႆၵေႃႉၵေႃႈ ၸူမ်းသိူဝ်းႁပ်ႉထွမ်ႇ လႄႈ တွင်ႈထၢမ်ၶိုၼ်း ၶေႃႈၸိူဝ်းဢမ်ႇၸႅင်ႈလႅင်း လႄႈ ဢမ်ႇပွင်ႇၸႂ်။ လႆႈမီးလွင်ႈဢုပ်ႇဢူဝ်းလႅၵ်ႈလၢႆႈတၢင်းၼမ်တၢင်းလၢႆ လႄႈ ယုမ်ႇယမ်ဝႃႈ ၶဝ်ႈတၢင်းတိုဝ်းမီးတၢင်းတိုဝ်းၼမ်ယႂ်ႇတႄႉတႄႉ။

ၵူၺ်းၵႃႈၵေႃႈ မီးတႆးၵေႃႉယူႇၵေႃႉၼိုင်ႈ လီဢီးလူမၼ်းတႄႉတႄႉ။ ၶႂ်ႈႁူႉယူႇသေလႄႈဢမ်ႇတွင်ႈထၢမ် ဢမ်ႇဢုပ်ႇလၢတ်ႈ။ မိူဝ်ႈဢုပ်ႇၵၼ်ၸမ်တေယဝ်ႉတူဝ်ႈၼၼ်ႉသမ်ႉ မၼ်းၸၢႆးတွင်ႈထၢမ်မႃးၵႂၢမ်းထၢမ်ၶေႃႈၼိုင်ႈ၊ ဢမ်ႇၵဵဝ်ႇဢၼ်လၢတ်ႈမႃးၼၼ်ႉႁႃႉၼႆတႄႉၵေႃႈ ဢမ်ႇၸႂ်ႈ ၵဵဝ်ႇယူႇ ၵူၺ်းၵႃႈလႆႈထွမ်ႇဢၼ်မၼ်းလၢတ်ႈမႃး ထၢမ်မႃးၼၼ်ႉသေ လႆႈႁူႉဝႃႈ ဢၼ်လႆႈဢုပ်ႇလၢတ်ႈၵႂႃႇမိူဝ်ႈၵႆႈတၢင်းမူတ်းမူတ်းၼၼ်ႉ မၼ်းၸၢႆးဢမ်ႇပွင်ႇၸႂ်၊ ဢမ်ႇၸႅင်ႈလႅင်း၊ တေလႆႈလၢတ်ႈဝႃႈ တိုၼ်းဢမ်ႇၶဝ်ႈႁူမၼ်းၸၢႆးသေဢိတ်းၼိုင်ႈၼၼ်ႉယဝ်ႉ။

ဢၼ်ၶႂ်ႈလၢတ်ႈတႄႉ ၵူၼ်းၼုမ်ႇႁဝ်းဝၼ်းမိူဝ်ႈၼႆႉ ဢမ်ႇထုၵ်ႇလီပဵၼ်ၸိူင်ႉၼၼ်။ မိူဝ်ႈလႆႈငိၼ်းယဝ်ႉ ဢမ်ႇပေႃႇၸႂ် ဢမ်ႇၸႅင်ႈလႅင်းၸိုင် ယူၵ်ႉမိုဝ်းတွင်ႈထၢမ်ၵမ်းလဵဝ် ၼႆႉတီႈလီၶႅမ်ႉတွၼ်းလိူဝ်။ ဢမ်ႇၸႂ်ႈလႄႈ ဢမ်ႇႁူႉသေ သမ်ႉၼင်ႈသမ်ႉယူႇ မိူၼ်ၼင်ႇၵူၼ်းႁၢင်ႈႁူႉၼၼ်ႉၸိုင် ႁဝ်းၵူၺ်းတေသုမ်းတိုဝ်ႉတၢင်းဢၼ်ၼၼ်ႉ။ ႁဝ်းဢမ်ႇလႆႈလူင်းတိုၼ်းၵႂႃႇၸူးမၼ်း ၵူၺ်းၵႃႈ မၼ်းပႆၶဝ်ႈမႃးပႃႈၼႃႈယဝ်ႉလႄႈ တိုဝ်ႉတၢင်းဢၼ်ဝႃႈၼႆႉ မိူၼ်ႁၢင်ႈမၼ်းဢမ်ႇမႃး (2) ၼႆႉ ယုမ်ႇယမ်ဝႃႈတေ ပွင်ႇၸႂ်ယူႇ။