ၼွၼ်းလိုၵ်းလုၵ်ႉၸဝ်ႉသေတႃႉၵၢၼ်တႄႉႁိုဝ်ပႃႈယဝ်ႉ

ပွၵ်ႈမိူဝ်ႈၵႂႃႇႁိူၼ်း မိူဝ်ႈၶမ်ႈဝႃးၼႆႉ မီးၶၢဝ်းယၢမ်း ႑႐ မူင်းၶိုင်ႈပၢႆယဝ်ႉ၊ ဝႃႈၼၼ်သေတႃႉ ၵၢၼ်ဢွၼ်ႇဢၼ်ၼိုင်ႈၵူၺ်းၵေႃႈ ယင်းပႆႇယဝ်ႉတူဝ်ႈ တိုၵ်ႉလႆႈမေးမေး ၵႄႈၵႄႈ ၵႄႈယဝ်ႉၵႄႈထႅင်ႈယူႇ ဢမ်ႇႁူႉတေယဝ်ႉမိူဝ်ႈလႂ်မိူၼ်ၵၼ်၊ ဢၼ်ၼႄႉၼွၼ်းတႄႉ ပေႃးဢမ်ႇယဝ်ႉမိူဝ်ႈၼႆႉတႄႉ တိုၼ်းလူႉပင်း တိုၼ်းဢမ်ႇၶိုတ်းတၼ်း ပွႆးပၢင်ဢၼ်ယႂ်ႇလူင်ၼၼ်ႉယဝ်ႉ။ ၵူၺ်းၵႃႈၵေႃႈ ၼင်ႇႁိုဝ်တေယဝ်ႉၼႆသေ မိူဝ်ႈၼႆႉ မႃးထိုင်တီႈႁဵတ်းၵၢၼ် ၸဵမ်မိူဝ်ႈၶၢဝ်းယၢမ်း 07:45 ယဝ်ႉ၊ ၸိုင်ပေႉလုၵ်ႉၸဝ်ႉလႃႇၼႆၸိုင်တႄႉ ႁိုဝ်တေပႃႈၸႂ်ႈ၊ ၵွပ်ႈပိူဝ်ႈ တိုၼ်ႇယဝ်ႉၵေႃႈ ဢွၵ်ႇႁိူၼ်းမႃးၵမ်းလဵဝ်ၼၼ်ႉၼႃႇမိူဝ်ႈၼႆႉ၊ မိူဝ်ႈၵူႈဝၼ်းတႄႉ 08:30 ယဝ်ႉၸင်ႇၵွႆႈတိုၼ်ႇသေ မႃးမိူဝ်ႈထိုင်တီႈႁဵတ်းၵၢၼ် သမ်ႉပေႃးမီးၵႂႃႇ 09:15 ၸိူဝ်းၼႆႉၵွၼ်ႇဢိူဝ်ႈ။ ၸိူင်ႉႁိုဝ်သေၵေႃႈလီလႄႈ မိူဝ်ႈၼႆႉပွတ်းၼႂ်ၼႆႉ ၵၢၼ်ဢၼ်ၼိုင်ႈတႄႉ တိုၼ်းတေလႆႈႁ်ႂ်ႈမၼ်းယဝ်ႉတူဝ်ႈၼၼ်ႉယဝ်ႉ၊ မွၵ်ႈၼႆႉၵွၼ်ႇလႄႈၼေႃႈ တေသို်ပ်ႇႁဵတ်းၵၢၼ်သေၵွၼ်ႇ။